Lada taxi driver robbed a woman

Aside


ወቅታዊና ትኩስ  መረጃዎች በየጊዜው እንዲደርስዎ ፔጁን ላይክ(Like Page) ያድርጉ፤ ለሌሎችም ይጋብዙ! Like, Comment, Invite, Share and spread……… https://www.facebook.com/netsawubet/

Advertisements

ለሀገር አቋራጭ የህዝብ መጓጓዣ አውቶብሶች የኤሌክትሮኒክስ ትኬት ሽያጭ ተጀመረ

Aside


የፌዴራል ትራንስፖርት ባለስልጣን የሀገር አቋራጭ የህዝብ መጓጓዣ አውቶብስ ትኬቶችን በዘመናዊ ቴክኖሎጂ ማስከፈል ጀመረ።

ዘመናዊ የኤሌክትሮኒክስ ትኬቶቹ በአምስቱም መናኸሪያዎች ወደ የትኛውም ቦታ ከማንኛውም የአውቶብስ ማህበር ለመግዛት የሚያስችሉ ናቸው።

በባለስልጣኑ የህዝብ ግንኙነትና የኮሙኒኬሽን ዳይሬክተር አቶ ይግዛው ዳኘው ለፋና ብሮድካስቲንግ ኮርፖሬት እንደተናገሩት፥ ለሀገር አቋራጭ የህዝብ ትራንስፖርት አውቶብስ ተገልጋዮች በቴክኖሎጂ የታገዘ ዘመናዊ የክፍያ አገልግሎት በመዘርጋት የሀገር አቋራጭ የትራንስፖርት ፍሰቱ የተሳካ እንዲሆን ይረዳል። እንዲሁም ለህብረተሰቡ ቀልጣፋና ተደራሽ አገልግሎት ለመስጠት እንደሚያስችልም አቶ ይግዛው ተናግረዋል።

በአሁኑ ወቅት በአምስቱም መናኸሪያዎች የተጀመረው የኤሌክትሮኒክስ ትኬት ሽያጭ በቀጣይ በ35 የለሁሉ ማእከላትና በ100 ወኪል ኩባንያዎች እንደሚጀመር አስታውቀዋል።

በቅርቡም በክልል ዋና ከተሞችም የሚተገበር መሆኑን ነው አቶ ይግዛው የገለጹት። ኤፍ.ቢ.ሲ/fbc

 

ፍ/ቤቱ እነ ሃብታሙ አያሌውን ከክስ ነፃ አደረጋቸው

Aside


በከፍተኛ ፍ/ቤት ከቀረበባቸው የሽብር ክስ በነፃ ከተሰናበቱ በኋላ አቃቤ ህግ ይግባኝ ከጠየቀባቸው የተቃዋሚ ፓርቲ አመራሮች መካከል ሃብታሙ አያሌውን ጨምሮ ሶስቱ በነፃ የተሠናበቱ ሲሆን ሁለቱ ተከላከሉ ተብለዋል፡፡

የአንድነት ፓርቲ የቀድሞ አመራር አቶ ሃብታሙ አያሌው፤ በከፍተኛ ህመም እየተሰቃዩ መሆኑን በመግለፅ የተጣለባቸው የጉዞ እገዳ ተነስቶ ወደ ውጭ ሃገር ሄደው እንዲታኩመ በተደጋጋሚ ሲጠይቁ የነበረ ቢሆንም አዎንታዊ ምላሽ ሳያገኙ ቀርተዋል፡፡
የጠቅላይ ፍ/ቤት ሠበር ሠሚ ችሎት ትናንት በሠጠው ብይን፣ አቶ ሃብታሙ የተጣለባቸው እገዳ መነሣቱንና ከቀረበባቸው ክስም ነፃ መሆናቸውን አስታውቋል፡፡

ይግባኝ ተጠይቆባቸው ከነበሩ የተቃዋሚ አመራሮች መካከል የሠማያዊ ፓርቲ ሊቀመንበር አቶ የሸዋስ አሠፋን ጨምሮ የፓርቲ አባል ያልሆኑት አቶ አብርሃም ሠለሞን ጠቅላይ ፍ/ቤቱ በነፃ ያሠናበታቸው ሲሆን የአረና አመራር አባሉና የመቀሌ ዩኒቨርሲቲ መምህሩ አብርሃ ደስታ እንዲሁም የቀድሞ የ‹‹አንድነት›› የድርጅት ጉዳይ ም/ሃላፊ የነበሩትና በቅርቡ በኮማንድ ፖስቱ በቁጥጥር ስር ውለው በእስር ላይ የሚገኙት አቶ ዳንኤል ሺበሺ፣ የቀረበባቸውን የሽብር ክስ መከላከል ያስፈልጋቸዋል ተብለዋል፡፡

በፍ/ቤቱ ውሳኔ ላይ ማብራሪያ የጠየቅናቸው የተከሳሾቹ የህግ አማካሪና ጠበቃ አመሀ መኮንን፤ ተከላከሉ የተባሉት አቶ አብርሃ ደስታና አቶ ዳንኤል ሺበሺ ጉዳያቸው ቀድሞ ወደነበረው የከፍተኛው ፍ/ቤት እንደሚመለስ ጠቁመው፤ በቀረበባቸው ክስ ላይ መከላከያ ማስረጃ በማቅረብ ክርክራቸውን እንደሚቀጥሉ አስረድተዋል፡፡

የፀረ ሽብር አዋጁ በማንኛውም ሁኔታ የዋስ መብት እንደማይፈቅድ የገለፁት አቶ አመሃ፤ የተለየ ነገር ካልተፈጠረ በስተቀር ተከላከሉ የተባሉ በድጋሚ በእስር ላይ ሆነው ጉዳያቸውን ሊከታተሉ እንደሚችሉ አስታውቀዋል፡፡ ከዚህ በኋላ አቃቤ ህግ ወደ ከፍተኛው ፍ/ቤት በመሄድ ተዘግቶ የነበረውን መዝገብ በድጋሚ እንደሚያንቀሳቅስና መጥሪያ ሲደርሳቸው ፍ/ቤት እንደሚቀርቡ አቶ አመሃ አብራርተዋል፡፡
በህመም ላይ የሚገኙት አቶ ሃብታሙ አያሌው፤ ከዚህ በኋላ ምንም አይነት የጉዞ እገዳ እንደሌለባቸውና ወደ ውጭ አገር ሄደው መታከም እንደሚችሉ ታውቋል፡፡

የትግራይ ብሄራዊ ክልላዊ መንግስት ምክር ቤት ዛሬ ባካሄደው አስቸኳይ ጉባኤ የተለያዩ ሹመቶችን አጸደቀ፡፡

Aside


የትግራይ ብሄራዊ ክልላዊ መንግስት ምክር ቤት ዛሬ ባካሄደው አስቸኳይ ጉባኤ የተለያዩ ሹመቶችን አጸደቀ፡፡

ምክር ቤቱ በዚሁ አስቸኳይ ጉባኤው  የቢሮ ሃላፊዎችን ፣ የክልሉ ጠቅላይ ፍርድ ቤት ፕሬዝዳንትና ምክትል ፕሬዝዳንት እንዲሁም የክልሉ ዋና ኦዲተር አዲስ ሹመቶችን አጽድቋል፡፡

ርዕሰ መስተዳድር አቶ አባይ ወልዱ ለሹመት ያቀረቧቸው የስራ ሃላፊዎች ድርጅቱ የህዝብን ጥያቄ ለመመለስ ያካሄደውን ሰፊ ግምገማ መነሻ በማድረግ ነው ብለዋል፡፡

በዚህም መሰረት

1/ዶክተር ኢንጂነር ገብረ መስቀል ካህሳይ የትምህርት  ቢሮ  ሃላፊ፣

2/ ዶክተር ተስፋ ሚካኤል ገብረ ዮሐንስ የውሃ ማዕድንና ኢነርጂ ቢሮ ሃላፊ፣

3/ዶክተር ሙሉጌታ ሃጎስ የቴክኒክ ትምህርትና ሙያ ስልጠና ቢሮ ሃላፊ ፣

4/ዶክተር የትምወርቅ ገብረመስቀል የሴቶች ጉዳይ ቢሮ ፣

5/ዶክተር አትንኩት መዝገቡ በግብርናና ገጠር ልማት ቢሮ በተፈጥሮ ሀብት ዘርፍ ተጨማሪ የቢሮ ሃላፊ እና

6/ ዶክተር አብረሃ  ኪሮስ የሳይንስና ቴክኖሎጂ ኤጀንሲ ወደ ቢሮ እንዲያድግ በማድረግ ሃላፊ ሆነዋል፡፡

በተጨማሪም ለክልሉ ጠቅላይ ፍርድ ቤት ፕሬዝዳንት ዶክተር ፋና ሀጎስ የተሾሙ ሲሆን በምክትል ፕሬዝዳንትነት ደግሞ አቶ አማኑኤል አሰፋ እንዲሁም ለክልሉ ዋና ኦዲተር ዶክተር ረዳኢ በርሄ ሆነው ተሹመዋል፡፡

ከዚህም ሌላ  የውሃ ሀብት ቢሮ ሃላፊ የነበሩት አቶ ገብረ መስቀል ታረቀ ለክልሉ የጸጥታና አስተዳደር ቢሮ ፣ አቶ ጎይቶም ይብራህ ለወጣቶችና ስፖርት ጉዳይ ቢሮ ፣ ዶክተር ገብረህይወት ገብረእግዚአብሔር ለትግራይ ደቡባዊ ምስራቅ ዞን ዋና አስተዳዳሪ ሆነው ተሹመዋል፡፡

ተሿሚዎቹ በምክር ቤቱ ፊት ቀርበው ቃለ መሃላ መፈጸማቸውን ኢዜአ ዘግቧል።

ሐተታ አድዋ


(በእውቀቱ ስዩም)
የአድዋ ድልን ከድንበር ሉአላዊነት ጋር አያይዞ መተንተን የተለመደ ነው፡፡ ድሉ አነሠ በዛ የሚለው ጭቅጭቅ ከዚህ መሠረት ይፈልቃል፡፡ በኔ ግምት የአድዋ ድል ትልቅ ጭብጥ ‹‹የሰውነት ክብር›› ይሰኛል፡፡ ቀደምቶቻችን ወደ አድዋ የጋለቡት በግፍ የተነጠቁትን የሰውነት መታወቂያ ለማስመለስ ነው፡፡ እንዲያውም ሰው መሆናቸውን በማያዳግም መንገድ ያረጋገጡት አድዋ ላይ ነው ማለት ይቻላል፡፡
ወገኖቼ!! ሰው መሆንን ማረጋገጥ ቀላል ነገር አይምሰላችሁ፡፡
አባቶቻችን ከአውሮፓውያን ጋር የሚጋሩትን ግን ደግሞ ከአውሮፓውያን ቀድመው የሚያውቁትን ቅዱስ መጽሐፍ ጠቅሰው ሁላችንም ያዳም ልጆች ነነ ይሉ ነበር፡፡ እና ያዳም ልጆች ነነ ብለው የሚያምኑ ፈረንጆች ቢቸገሩ የሚደርሱላቸው፣ ቢጠቁ የሚታደጓቸው ወንድሞቻቸው እንደሆኑ ያስቡ ነበር፡፡ በርግጥም የሃይማኖት አንድነት የቀለም ልዩነትን ደምስሶ አዳማዊ ወንድማማችነትን ያስገኘበት የዘመን ምዕራፍ ነበር፡፡ ክርስቶፈር ደጋማ የተባለ የፖርቹጋል ነፍጠኛ ለኢትዮጵያ ደሙን ያፈሰሰው የማተብ አንድነት ስለገፋፋው ነው፡፡
ይሁን እንጂ ባንድ ወቅት የሚያገለግል የኑሮ ዋስትና በሌላው ዘመን አያገለግልም፡፡ ሁላችንም ያዳም ልጆ ነነ የሚለው የዝምድና ውል ከእለታት አንድ ቀን ያገልግሎት ዘመኑ አለቀ፡፡ በ1548 ተወልዶ በ1600 እንደጧፍ የተቃጠለው ዦርዳኖ ቡርኖ የተባለ የጣልያን መናፍቅ ‹‹ኢትዮጵያውያን ያዳም ልጆች አይደሉም፤ ቅድመ-አዳማዊያን ናቸው እንጂ›› ብሎ ፃፈ፡፡ በቡርኖ ዘመን ኢትዮጵያ የጥቁር ዘር ሁሉ የወል ስሙ ነው፡፡ ቅድመ አዳማዊ ማለት ደሞ በአዳምነት ማዕረግ ያልደረሠ ጅምር ፍጡር ማለት ነው፡፡ ይህ አስተሳሰብ ጥቁሮች በእግዜር አምሳል የተፈጠሩ አይደሉም የሚል ድምዳሜ ላይ ያደርሳል፡፡ ያለማለዘቢያ ለመግለፅ፣ ጥቁሮች ከእንሥሣትና ከእፅዋት ይመደባሉ ማለት ነው፡፡ ነገሩ ይበልጥ የሚያስገርመን ይህንን አመለካከት ከጥንታዊያን ግሪኮች ነባይ አመለካከት ጋር ስናመዛዝነው ነው፡፡ ጥንታውያኑ ግሪኮች ጥቁሮችን ከአማልክት ጋር ያወዳድሯቸው እንደነበር ለመገንዘብ የሆመርን ውዳሴ መስማት ይበቃል፡፡ ሆመር እንዲህ ይዘምራል፡፡
እናንት ኢትዮጵያውያን ከሰው ዘሮች ሁሉ እንከን የሌላችሁ
ከተንኮል ከክፋት ከሰው ድክመት ሁሉ ነፃ የሆናችሁ
ከቶ ከምን ይሆን የተፈጠራችሁ? ምንድነው ባህሪያችሁ?
እግዜሮች ትሆኑ ወይስ ሰዎች ናችሁ?
(ከሀዲስ አለማየሁ ትርጉም የተጠቀሰ)
ታዲያ በጥንታዊ ግሪኮች ሰው ናቸው አማልክት? ተብለው የተጠረጠሩ ጥቁሮች፣ በአስራ ሰባተኛው ክፍለ ዘመን ሰው ናቸው እንስሳ? ተብለው ለምን ተጠረጠሩ? የጥቁሮችን ሰውነት መካድ ለምን አስፈለገ?
መልሱ ብዙም የተወሳሰበ አይደለም፡፡
የቅኝ ግዛት ዳርዳርታው ለቅኝ የታጩ ህዝቦችን የሰውነት መታወቂያ መንጠቅ ነው፡፡
ሰው በድንግል ተፈጥሮው መሠሉን ለማጥፋት ልቡና እጁ በቀላሉ አይታዘዙለትም፡፡ ይህንን ለማድረግ ባፍራሽ ንድፈ ሀሳብ መታገዝ ይኖርብታል፡፡ ሰው፣ በጎች ነፍስ የላቸውም ብሎ ራሱን ካሳመነ ጀምሮ በጎችን ወደ ቀይወጥ ለመለወጥ የህሊና ወቀሳ የለበትም፡፡ አውሮፓዊውም ጥቁሮችን ጨፍጭፎ አገራቸውን ለመቀማት ከሰው ተራ አውጥቶ ከዋርካና በጥድ ተራ ማሰለፍ አስፈላጊ ሆኖ አግኝቶታል፡፡ ባድዋ ድባቅ የተመታው የጣልያን ቅኝ ወራሪ ኃይል ኢትዮጵያውያኑን ከማይገባቸው ማሣ ላይ የተሰማሩ ገመሬዎች አድርጎ ሳይቆጥራቸው አልቀረም፡፡ የጣልያኑ ጄኔራል (ባሪያቴሪ መሰለኝ) በጦርነቱ ዋዜማ ‹‹…ምኒልክን በቀፎ አስገብቼ አበረክትላችኋለሁ›› ብሎ ለሮማውያን ወንድሞቹ መጐረሩ በአእምሮው ውስጥ የነበረው ምስል ምን እንደነበር ፍንጭ ይሰጠናል፡፡
‹‹መትረየስ ጠመዱ
አሉ በርከክ በርከክ
አውሬ መስያቸው
ከሰው መወለዴን ማን በነገራቸው?›› አለ አቅራሪ፡፡
ታዲያ አባቶቻችን እንዲህ በአደባባይ የተነጠቁትን የሰውነት ክብር ለማስመለስ ከፍልሚያ ውጭ ምን አማራጭ ነበራቸው?? ፓትሪክ ሄነሪ የተባለው የአሜሪካ አርበኛ ‹‹ነፃነቴን ወይም ሞቴን ወዲህ በሉ!›› ብሎ በአሜሪካ ተራራዎች ላይ ከመጮኹ አንድ መቶ አመት አስቀድሞ ኢትዮጵያውያን ‹‹…ይኄይስ መዊት በክብር እምሐይው በኃሣር (በውርደት ከመኖር በክብር መሞት ይሻላል) የሚለውን መፈክር ያውቁት ነበር፡፡ (የሰርፀ ድንግልን ዜና መዋዕል ተመልከት)
አባቶቻችን አይን ያጠፋውን አይኑን በለው የሚለው ኦሪታዊ ሕግ ለአድዋ ዋዜማ ተስማሚ ሆኖ አግኝተውታል፡፡ እንደ ሰው ያልቆጠራቸውን ጠላት እንደ ሰው ሊቆጥሩት አልፈለጉም፡፡ አፄ ምኒልክ በጦርነት አዋጃቸው ‹‹…እኔም ያገሬን ከብት ማለቅ፣ የሰውን መድከም አይቼ ዝም ብለው ደግሞ እያለፈ እንደፍልፈል መሬት ይቆፍር ጀመር›› አሉ፡፡ በዚህ ንግግር ውስጥ ያለው ትልቅ ነገር ጣልያኑ እንደ ፍልፈል መታየቱ ነው፡፡ አጤ ምኒልክ ያገራቸው ወታደር ለወራሪው ሰብዓዊ ዝምድና ተሰምቶት እንዲሳሳለት አልፈለጉም፡፡ በጦርነቱ ወቅት በተመሳሳይ መልኩ ወራሪን ወደ አውሬ የመለወጥ የስነ ልቦና ቅኝት የነበረ ይመስለኛል፡፡ ለምሳሌ በመቀሌ ጦርነት ዋዜማ ራስ አሉላ በተገኙበት ጉባኤ ቀኛዝማች በሻህ ጣልያኑን በዜግነት ስሙ መጥራት ሳያስፈልጋቸው ‹‹…በሾተል እየቀነጠሰን በግንቡ ውስጥ እንደ አይጥ እንፈጀዋለን›› ሲሉ መስማቱን በጅሮንድ ተክለሐዋርያት በግለ-ታሪኩ ይዘግባል፡፡ ታሪክ በሠፈሩት ቁና ይሠፍራል፡፡ ጣልያኖች ከሰው ተራ ወጥተው በፍልፈልና በአይጥ ሰልፍ ውስጥ ገብተው ለእልቂት ተመቻቹ፡፡ አዎ፣ ውርደት እንደ ተስቦ ነው፡፡ ወደ አዋራጁም ይጋባል፡፡
ወታደር ባለመሆኔ የጦርነቱን ውሎ ማተት አያምርብኝም፡፡ ያም ሆኖ የአድዋ ድል ዛሬ ብርቅ በሆኑብን ሁለት እሴቶች ረድኤት የተገኜ ይመስለኛል፡፡እኒህ ሁለት እሴቶች መተባበርና መደማመጥ ናቸው፡፡ ጣልያኖቹ በጊዜው ወደ ጦርነት ሲገቡ ተስፋቸውን የጣሉት በመድፍና በጠመንጃቸው ሳይሆን ኢትዮጵያውያን ዝነኛ በነበሩበት የውስጥ መቆራቆስ ላይ ነው፡፡ የትግራይ ቅልጥም ሲመታ ሸዋ ያነክሳል ብለው አላሰቡም፡፡ በርግጥም በክፍለ ሀገሮች ውስጥ የተለያዩ ሽኩቻዎች ነበሩ፡፡ እኒህን ሽኩቻዎች አስረስቶ ኢትዮጵያውያንን ሁሉ ለአንድ አላማ ማሠለፍ ምኒልክነትን ይጠይቃል፡፡
መደማመጥ ያልሁትን ላሳይ፡፡ አባ ዳኘው ከዛሬው የይስሙላ ፓርላማችን በተሻለ ሁኔታ ለልዩነቶች ቦታ የሚሰጥ ተንቀሳቃሽ ምክር ቤት በጦርነቱ ወቅት መፍጠር ችለዋል፡፡ ፀሐፌ ትእዛዝ ገብረሥላሴ በውጊያው ዋዜማ የነበረውን ሁኔታ እንዲህ ይገልፁታል
‹‹…አፄ ሚኒልክም በበነጋው ሰራዊቱን የቀኙን በቀኝ፣ የግራውን በግራ አሰልፈው ነጋሪትዋን እያስመቱ ወደሱ ተጓዙ፡፡ ኢጣሊያኖችም ዘበኛው ሲመጣ ባዩ ጊዜ ተመልሰው ወደ እርዳቸው ገብተው ተኙ፡፡
ከዚህ በኋላ ሰራዊቱም እንደ ኤሊ ስንመጣበት ከድንጋይ ይገባል፤ ስንመለስ ይወጣል፤ እንዲህ አርጐ ሊጫወትብን ነውን? ብሎ እጅግ አጥብቆ ተናደደ፡፡ መኳንንቶቹም ተሰብስበው ከዚህ ሰፍረን አድረን በማለዳ እዚያው ካሉበት ከርዱ ድረስ ሄደን እንዋጋለን ብለው መከሩ፡፡ ንጉሠ ነገሥቱም እሺ ብለው ድንኳኑን ለማስመጣት አዘዙ፡፡
ይህ ምክር ካለቀ በኋላ የትግሬው ገዢ ራስ መንገሻ ተሰልፎ በፈረስ ሆኖ መጣ፡፡ እሱም ይህ ምክር እንዳለቀ ባዬ ጊዜ አንድ ነገር ልናገር ይፍቀዱልኝ ብሎ ወደ ንጉሠ ነገሥቱ ቀርቦ እንዲህ አለ፡፡ እንደ ተርታ ነገር ካልሆነ ስፍራ ሄደን ልናስፈጀው ነውን? አለ፡፡ ይህ ምክር የተስማማ ምክር ሆነ፡፡ አፄ ምኒልክም ተመልሰው ከድንኳንዋ ከገቡ በኋላ እንዲህ አሉ፡፡ እንግዲህ ከሰፈሬ ወጥቶ ተኩስ አልጀመረ ባይኔ ካላየሁት ተሰልፌ አልወጣም፡፡››
ፀሐፌ ትእዛዝ ያቀረቡትን ዘገባ ወደ ዘመናዊ አማርኛ አሳጥሬ ሳዛውረው የሚከተለውን ይመስላል፡፡
ርዕሰ-ብሔር ምኒልክ ሰራዊታቸውን እየመሩ ወደፊት ሲገሰግሱ የጣልያን ሰራዊት ስልታዊ ማፈግፈግ አድርጎ ወደ ምሽጉ ገባ፡፡ ምኒልክ በቀጣዩ ስትራቴጂ ላይ ለመወያየት አስቸኳይ ስብሰባ ጠሩ፡፡ በስብሰባው ላይ ወደ ጠላት ምሽግ ሄደን እንዋጋ የሚል ሐሳብ ቀርቦ ባብላጫ ድምፅ ፀደቀ፡፡ ምኒልክም በብዙሃኑ ተሰብሳቢ የቀረበውን ሐሳብ ለማስፈፀም ተዘጋጁ፡፡ ይሁን እንጂ ጄኔራል መንገሻ ዮሐንስ ዘግይቶ ስብሰባውን ከተቀላቀለ በኋላ ‹‹ምሽግ ድረስ ሄዶ መዋጋት በወገን ጦር ላይ ጉዳት ያስከትላል›› ብሎ መከራከር ጀመረ፡፡ ምኒልክም ‹‹እኔ አንዴ ወስኛለሁ፤ ውሳኔዬ ካልጣመህ በሊማሊሞ በኩል ማቋረጥ ትችላለህ›› ብለው ሳያሸማቅቁት ሐሳቡ እንዲጤን አደረጉለት፡፡ ሐሳቡ በድምፅ ብልጫ ፀደቀ፡፡ በድምፅ ብልጫ ያልሁት ‹‹ይህ ምክር የተስማማ ምክር ሆነ›› የሚለውን የፅሐፌ ትዕዛዙን አማርኛ ተርጉሜ ነው፡፡
እንደተመለከተው አጤ ምኒልክ ልዩ ልዩ ሐሳቦችን ለማዳመጥና አወዳድረው የነጠረውን ሐሳብ ለማስፈፀም ዝግጁ ነበሩ፡፡ በአራት ነጥብ የታጠረ ግትርነት አልነበረባቸውም፡፡
ሾፐናወር የተባለ የጀርመን አገር ፈላስፋ ከአድዋ ሠላሳ አምስት አመት አስቀድሞ ‹‹ከጥንት ግብፃውያንና ከህንዶች ውጭ ያለው ታላቅ የስልጣኔ ፍሬ ሁሉ በነጮች ጥረት ውጤት ነው፡፡ ከጥቁር ህዝቦች መካከል እንኳ የገዢነትን ስልጣን የሚይዙት በቀለም ፈካ ያሉት ናቸው›› ብሎ ነበር፡፡ ያጤ ምኒልክ ፊት ይህንን ንድፈ ሐሳብ በይፋ ለማስተባበል የተፈጠረ አይመስልም?
ይህ ፅሁፍ በፍትህ ጋዜጣ ቅፅ 5 ቁጥር 177 አርብ የካቲት 23 2004 ዓ.ም የወጣ ነው

አድዋ የማን


( ሄኖክ የሺጥላ )min

ዳግማዊ ሚኒሊክ በእንጦጦ ማሪያም በኣቡነ ማቲያስ ኣንጋሽነት በመስከረም ፪፩ ሺ ዘጠኝ መቶ ሰማኒያ ሁለት ኣመተ
ምህረት የንጉሰ ነገስትነት ዘውዳቸውን መጫናቸውን ተከትሎ ለተለያዩ ኣውሮጳ ሃገሮች ለጻፉት ደብዳቤ የመጣለቸውን
መልስ እያሰላሰሉ ከዙፋናቸው ላይ ቁጭ ብለዋል። ንዴታቸው ግን ፊታቸው ላይ ኣይታይም።የታላቋ ብሪታንያና የጀርመን
መንግስታቶች የጃንሆይን መልእክት ተከትሎ በጻፉት ደብዳቤ
ሚኒሊክ ንግስናዋን ከርሶ በቀጥታ ሳይሆን ወኪሎ ኢንዲሆን በፈቀዱት በጣልያንና በመንግስቱዋ በኩል ነው መስማት
ያለብን የሚለው ነገር ፤ የንጉሱን ባለሙዋለች እጅጉን ያበሳጨ ነበር። ከሁሉም በላይ ግን እቴጌይቱን ነበር
ያስቆጣው።
እቴጌ ጣይቱ ኢትዮጵያ ከሌሎች ሃገሮች ጋር የሚኖራትን ግንኙንት በኢጣልያን በኩል ታደርካለች የሚለው የጣልያንኛው
ድብቅ የኣተረጉዋጎም ሴራ ፤ ኣዋ የውጫሌ ውሉ፤ ከውሉም የ ፩፯ኛው ኣንቀጽ ፤ ብሎም ንጉስ ምኒሊክ እንዲስማሙ
ላማድረግ ተብሎ ከጣልያን መንግስት ከንጉስ ኡምቤርቶ የቀረበው የሊሬና የ መሳሪያ እርዳታ ንዴታቸውን ከሚቆጣጠሩት
በላይ ገፍው። እቴጌይቱ በርጋታ ከተቀመጡበት ብድግ ኣሉ Continue reading

History Day!! — Emperor Menelik II of Ethiopia (1844-1913) —


Menelik II (August 17, 1844 – December 12, 1913),
Conquering Lion of Judah, Elect of God, King of Kings of Ethiopia was negus negust (emperor) of Ethiopia from 1889 to his death.

Menilik II of Ethiopia

Menilik II of Ethiopia

Menelik II The son of King Haile Melekot of Shoa (1847 – 1855), was born in 1844 in Ankober, Shoa and heir to the Shewan branch of the Solomonic Dynasty which claimed descent from King Solomon of ancient Israel, and the Queen of Sheba. On the death of his father in 1855 he was taken prisoner by Emperor Tewodros II (Theodore II), a former minor noble originally named Kassa of Kwara, who had usurped the Imperial throne from the last Emperor of the elder Gondar branch of the Solomonic dynasty, Emperor Johannis III (John III). Menelik was imprisoned on Tewodros’ mountain stronghold of Magdala, but was treated well by the Emperor, even marrying Tewodros’s daughter Alitash. However, he would eventually succeed at escaping from Magdala and abandoned his wife, returning to Shoa to reclaim his ancestral crown and at once attacked the usurper claiming the Imperial throne for himself as well. These campaigns were unsuccessful, and he turned his arms to the west, east and south, and annexed much territory to his kingdom, still, however, maintaining his claims of divine right to the Imperial Crown of Ethiopia in addition to the royal one of Shoa.

In 1883, King Menelik married Taytu Betul, a noblewoman of Imperial blood, and a member of the leading families of the regions of Simien, Gojjam and Begemder. Her uncle Dejazmatch Wube had been the ruler of Tigre and much of northern Ethiopia. She had been married four times previously and exercised considerable influence. Menelik and Taytu would have no children. Menelik had previous to this marriage, sired not only Zauditu ( eventually Empress of Ethiopia), but also another daughter, Shoaregga (who married Ras Mikael of Wollo), and a son Prince Wossen Seged who died in childhood. Menelek.s clemency to Ras Mangasha, whom he compelled to submit and then made hereditary Prince of his native Tigre, was ill repaid by a long series of revolts by that prince. Continue reading

ልዑል ራስ መኮንን (አባ ኮራ/ አባ ቃኘው)


abበአጤ ምንሊክ እና የሐረሩ ሹም በራስ መኮንን መካከል የነበረውን ዝምድና ለጠየቃችሁኝ ወዳጆቼ መልስ ይሆን ዘንድ በአለኝ መረጃ መሰረት በሁለቱ መሪወች መካከል የነበረው የስጋ ሳይሆን የጋብቻ ዝምድና ነበር, እንዲሁም ከልጅነት እስከእለት ዕልፈት ሳይለያዩ በመኖራቸው እና መወለደም ቋንቋ በመሆኑ ራስ መኮንን የአጤ ምንሊክ ታናሽ ወንድም ነበሩ በማለት ብዙ የታሪክ ጦማሪወች ጽፈዋል።

ከሸዋ ምድር የሚጠለቁት በመዕራባውያን አቆጣጠጠር በ1852 አንኮብር ጎራ ላይ ተወልደው ሐረርን ለ16 አመታት ያስተዳደሩት እና ከአደዋ ጦርነት ጀምሮ ለኢትዮጲያ ህዝብ ስፍር ቁጥር የሌላቸው በጎ ውለታወችን የዋሉት በ1906ዓም ላይ ከሐረር ወደ አዲስ አበባ ጉዞ ላይ እያሉ በድንገተኛ ህመም በ53 አመታቸው ህይወታቸው ያለፈው ራስ መኮንን ወ/ሚካኤል ጉዴሳ ከሚኖሩበት ዘመን እና ህብረተሰብ ቀድመው የነቁ ስልጡን መሪ እንደነበሩ የተጻፈላቸውን የተለያዩ ጦማሮች አቅርቤ በተደጋጋሚ አስታውሼቸዋለሁ።

ከፊት ለፊት ያለውን ገደል ለመዝለል ወደ ኋላ መንደርደር አስፈላጊ ነውና እኛም አንዳንዴ ወደ ኋላ መለስ ቀለስ እያለን ለዚህ ዘመን ያበቁንን ያለፉትን አባቶችንን በክብር ማስታወሱ ይጠቀምናል እንጂ አይጎዳንም።

ንቁ ሰው ከታሪክ ፍቅርን እንጂ በቀልን አይወርስም።
Soutce: Eduardos-History-Page