የባህር ዳር ከተማ አስተዳደር ምክር ቤት አስተዳደሩን በተሻለ መምራት የሚችሉ አዲስ ከንቲባና ምክትል ከንቲባ ሾመ።


የባህር ዳር ከተማ አስተዳደር ምክር ቤት አስተዳደሩን በተሻለ መምራት የሚችሉ አዲስ ከንቲባና ምክትል ከንቲባ ሾመ።

የከተማው ምክር ቤት ለሦስት ቀናት ባካሄደው 4ኛ ዙር፣ 4ኛ ዓመት የሥራ ዘመን 9ኛ መደበኛ ጉባኤ ሹመቶችን ከመስጠት ባለፈ ዕቅዶችን ገምግሞ አጽድቋል።

f219eeb65c73ecef5cf0eea83bba7fd1_l

በዚህም የክልሉ ገንዘብና ኢኮኖሚ ልማት ትብብር ቢሮ ኃላፊ የነበሩት አቶ አየነው በላይ ለከተማዋ በከንቲባነት ተሹመዋል።

የሲቪል ሰርቪስና የሰው ሃብት ልማት ቢሮ ምክትል ኃላፊ የነበሩት አቶ ክብረት ሙሀመድ ምክትል ከንቲባ፤ ቀደም ሲል በምክትል ከንቲባነት ሲያገለግሉ የነበሩትን አቶ ምትኩ አለማየሁም ባሉበት አንዲቀጥሉ ምክር ቤቱ አጽድቋል።

የከተማዋ ኮሙዩኒኬሽን ጉዳዮች ጽህፈት ቤት ኃላፊ አቶ አብይ ኃይሉ እንደገለጹት፥ ከንቲባዎቹ የተሾሙት ያላቸውን የትምህርት ዝግጅት፣ የሥራ ልምድና ሕዝባዊ ወገንተኝነታቸውን መሰረት በማድረግ ነው።

ምክር ቤቱ ከሹመቱ በተጨማሪ የ2009 የፊዚካልና የፋይናስ እቅዶችን በጥልቀት ገምግሞ ማጽደቁን የገለጹት አቶ አብይ፥ የከተማውን ወረዳ ፍርድ ቤትና የይግባኝ ሰሚ ፍርድ ቤት እቅዶችንም በመገምገም ማጽደቁን ተናግረዋል።

ዕቅዶቹ የህዝቡን ጥያቄ መፍታት የሚያስችሉ ማህበራዊ፣ ኢኮኖሚያዊና ፖለቲካዊ ጉዳዮችን ያካተቱ መሆናቸውንም አብራርተዋል።

በተለይ በጥቃቅንና አነስተኛ የሚስተዋሉ የሥራ እጥነት ችግሮችን ለመፍታት በዚህ ዓመት ከ27 ሺህ በላይ ለሚሆኑ ዜጎች የሥራ ዕድል ለመፍጠር መታቀዱን ተናግረዋል።

አቶ አብይ አያይዘው እንደገለጹት፣ ዘንድሮ ከባህር ዳር ከተማ ወደ ኤርፖርት የሚወስደውን የአስፓልት መንገድ የማስፋት ሥራ ለማከናወን ዕቅድ ተይዟል።

በከተማዋ እየተስተዋለ ያለው ሰላም ተጠናክሮ እንዲቀጥል ሕዝቡ ሰላሙን በማስጠበቅ የራሱን ሚና መወጣት በሚችልበት መንገድ ላይ ምክር ቤቱ መወያየቱንና አቅጣጫ ማስቀመጡንም ኃላፊው ተናግረዋል።

ከህዳር 17 እስከ 19 ቀን 2009 የተካሄደው የከተማው ምክር ቤቱ ዘጠነኛ መደበኛ ጉባኤ ዛሬ ተጠናቋል።

የባህር ዳር ከተማ የቀድሞው ከንቲባ አቶ ላቀ አያሌው ባለፈው ሳምንት በተካሄደው የአማራ ክልል ምክር ቤት ጉባኤ ለክልሉ ቴክኒክ ሙያና ኢንተርፕራይዞች ልማት ቢሮ ኃላፊ ሆነው እንዲሰሩ መሾማቸው ይታወሳል።

ምንጭ፦ ኢዜአ

Advertisements

please enter a message

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s